24.終覺其反 (第6/6页)

，徒剩腐敗。情霧迷她眼，飛蛾與熔岩吸引，片時悱惻，塑膠真心，古惑仔哪有恆久本性，30萬就澆熄優曇一現的亢熱。

    「仲未癲夠啊，扮正義扮熱血，仲想拖幾多個細路祥落去？」

    「如果唔係因為你搞事連累，細路祥點會死！我間舖又點會畀人燒？！」

    「怪我累埋你？龍羽，冇我，你一早死咗九世啦！」

    「...咁就分手，唔使大佬你護住我！」

    「你再講多次！」

    「我話分手...」

    「講咩笑，分手？估你係鍾楚紅我好like啊，心情好先陪你呢個魚蛋妹玩幾日，你係攝檔?咋，唔好自作多情！」

    「爛燈盞...你躝...」

    「記得以後見到我要兜路行，我驚我忍唔住問你要返30萬！」

    槍管二噁英混漫不經心的尼古丁氣息，撞碎街邊微弱的靛藍光影，滾滾汩汲的淚出賣倔強，掙扎著流到嘴角苦嚥而下，膏肓之蠱，好鹹好毒。

    冷酷恥笑她蝕本毀利的情有獨鍾。

    理智皴裂一剎，她感激有朗青那碗艇仔粉墊肚，讓她保持尊嚴，直立走完頹唐歸家路。

    cab交通電台調頻至叱吒903，音樂放送段一改輕逸勁歌，播出96賣飛佛銀獎曲，Sammi   Cheng通透中音可圈可點，完美駕馭了婉約。

    <...沒留念   也欠缺舊信件

    <竟看不見怎麼可再相見

    <一個冷漠   一個決絕

    <不多不少   不相伯仲

    <你我再也不拖不欠   但我為何又發現

    <在腦內剩餘紀念   已剛剛足夠跟我糾纏...

    司機不喜歡，伸手去轉台，阿羽出聲請求。

    「師傅，我想聽埋先。」

    中斷動作，他側頭一睨，原來是郁郁寡歡的紅塵痴女。

    <一個說話   一個決定

    <清清楚楚   乾乾脆脆

    <你我永遠不拖不欠   但慶幸尚能發現

    <在印象尚留紀念   每一刻都記得

    <你甜蜜過的臉......

    青煙渺散，春夢了無痕，失戀，就當失身。

    ——————————————

    本章考據書籍：

    《HK   Real   Estate   Development》、《HK   Financial   Development》

    High   Tech揩嘢，Low   Tech撈嘢：「高科技虧本，低科技大賺」，當時港人廠家和炒家的一句名言，高科技產品投資額高，風險高回報不穩定，低科技產品雖然入場門檻低，資金投入少，但因為是民眾剛需，反而容易撈。

    call孖展：call   margin，證券中追繳保證金補倉

    樓花：期房預售許可，霍英東是香港樓花發明人

    九個蓋冚十個煲：九個蓋子罩十個煲，比喻來不及拆東牆補西牆

    和尚跳海：加滾水蛋

    Band1：香港中學學生分配第一派位

    9T茶走：奶茶不加糖和煉乳

    206：熱檸樂

    方包飛邊：麵包去掉邊

    孖春丁麵：放兩個煎蛋的出前一丁麵

    Form7：中七

    恨飲新抱茶：指父母急著要兒子娶媳婦，新抱是廣東話兒媳婦的意思

    揸大葵扇：做媒婆

    柴灣四鱷...油麻地十三龍：黃玉郎經典漫畫《龍虎門》的前身《小流氓》

    生仔姑娘醉酒佬：形容口是心非，說不要又要