24.終覺其反 (第4/6页)

  一段遙遠羈絆，一位不甚相熟。

    他仰頸喝光黑品諾：「提前祝你萬事順利。」

    阿羽輕呷燭台旁那杯，柔生生復願：「亦都祝龍生商運亨通。」

    如新舊化學鍵斷裂重組，催發幾分惋惜的異質反應。

    「唔好再叫龍生啦，L.A.總部都冇人對我咁polite。」，始終別扭這般客套稱謂，他噙笑自嘲，「我阿爸仲成日當住D下屬面叫我仆街仔。」

    阿羽好奇：「令尊平時講廣東話？」

    「係啊，佢63年先行出九龍砦，去到圣何塞嗰陣唔識英文，只可以同D華裔埋堆。」

    两朵梨渦清麗躍然：「睇嚟你都唔慌係個好學生。」

    Ray瞬時領悟，解顏莞爾。不列顛紅磚Top-U背景，也會被Form7肄業的寫字樓工笑話不精通九聲六調陰平陽上。

    飄零異鄉搏命灘塗，龍鴻笙怎麼可能是合格老師。

    橙黃鹵燈暖透年輪樑木，空杯裡綢緞掛壁，注入韶華遷徙的濾鏡，他哺了酒氣，不禁觸景敞懷：「其實6歲之前我一直寄養喺寶安，同阿爸聚少離多，觀瀾全部係D客家佬，結果圍頭話未學識就飛咗去美國。」

    「咁...你阿媽呢？」

    Ray斂起眼神：「我冇阿媽。」，短暫頓停，語氣流露悄愴：「由細到大佢連張相都無留底...阿爸又唔鍾意講佢嘅嘢，係等我大咗佢先話我知阿媽因為有病一早喺香港過咗身。癌症，醫唔好。」

    阿羽心尖一澀：「對唔住。」

    人人艷羨的紈絝公子並非父母庇蔭坦途一路。總角幼孩困居郊村，不為三餐足食惆悵，只眼紅別家阿媽打仔，每個祭天神供三牲的日子，他忍凍挨涼淋遍符水，搶下甜糕粄吃得撐腸拄肚，燭龍炭點亮歲火，出方迎四喜，祈願來歲如花發，阿睿想見阿媽。

    窮求財祿，富求安福，天塹兩端本末倒置，恆河沙數的凡庸掙扎於迷津貧海，崖岸的寥寥之眾望洋嘆永失所愛。

    問上蒼公不公平？阿羽五弊三缺占一半，沒資格同病相憐，財帛天倫，哪個對她來說都是難以擁有的奢侈。

    「Lowell   High最後一個sem我決定申請伯明翰大學，無諗到伯爺好支持。」，他十分平靜，像敘述別人的故事：「我拎到Bachelor無耐，佢就註冊咗Ronda鴻升算係送畀我做禮物，多多少少都係因為阿媽嘅原因。」

    阿羽岔走話題：「有聽Joey姐提起你喺UOB主修基礎醫理。」

    「喔？仲講咗我D咩？」

    「話你...疊水有米，仲靚過羅拔迪尼路囉。」

    Joey的媒婆濫腔隻字不改，循環嘮到上帝再創世紀，興許能說服耶和華賜夏娃予他共結連理。

    Ray雙手叠胸，噗嗤一聲舒朗大笑：「係咪話我受你咁樣嘅高妹溝？」

    阿羽羞答答默認。

    「哈哈，我阿爸恨飲新抱茶啊，Joey揸大葵扇就撥上癮。遲D我要攞封利是，祝佢花開並蒂，睇佢湊住兩件仲得唔得閒cao心我D嘢。」

    她愣了，張嘴驚訝：「你意思係？」

    Ray止笑挑眉：「bb已經8個禮拜大喇，check咗係對孖仔。」

    多麼可貴，料峭之中的胚芽相輔相依，浣浴期冀甘霖，將茁綻齊茂璋筍，亦或沿系根莖聯芝競秀。

    Joey和梁警司，天公眷顧的爹地媽咪。

    阿羽涌現誠摯幸悅：「恭喜佢好事成雙。」

    「佢好欣賞你，1月份傾電話嗰陣佢狂讚你斯文醒目。」，Ray忽地灼灼而視：「唔想當面親自道個別咩？」

    半唐番果真意在曲線挽留。

    「我...」，阿羽欲言又止，連日柔腸輾轉的決定被矛盾遺憾脅持。

    Ray以退為進：「唔好誤會，我唔係用佢綁架你，一份job啫，更何況擺喺第一位嘅始終係屋企人。」

    這招盡然奏效，喂顆定心丸消釋顧慮，