21.卑劣街頭 (第4/6页)

bo姐，我以前...都未試過喎...」走在末尾那位放慢速度，對大姐頭介紹的私鐘生意夷猶不決。

    前者轉身交臂，斜睨她一記眼刀，秾豔梅唇輕吹穢霧：「面都紅晒，怕醜啊？你唔係話你等錢使咩？」

    「係啊，睇中個煲袋...又想買萬寶路牛仔褲...」

    「咪係囉，自己搵錢買嘢咁先叻女，費事問親老竇攞錢都鬧你。」Bobo伸手捏揉女仔發育中仍顯幼孺的胸部，紫紅尖甲摁勒下凸露微巧外廓，羞得她向後瑟縮：「你咁好身材，嫩口兼彈手，大把水等你搵，一次生兩次熟，三次大結局，做做下就慣，到時唔扑嘢先身痕啊~」

    「信我啦，讀書寫字尋死路，溝仔打交有前途。學晒我D嘢，包你同我一樣戴亞米加返學幾撚威。」

    正教良言棄如敝履，歪理邪說頭頭是道。

    另一名女仔含着溜鬚拍馬的口氣趁熱打鐵：「你咪再十五十六諗嚟度去，Bobo姐手頭上D客人質素高到你唔信，你話你去邊可以搵到咁好嘅米路？」

    「仲有做我嘅靚，以後響學校掛我朵，冇人恰你。」

    語夾話攻釋放毒療虐焰，循循勸誘到底無施不效。

    「係嘅係嘅...」女仔不住點頭，向貪婪屈膝拜降，笑貧不笑娼的年代不能活得眼闊荷包窄，一時貞cao值幾蚊，一世有錢吃得開。

    「就咁話啦，聽日出埋call機，隨時開工。」

    「知道啦Bobo姐，咁我走先，byebye！」

    新紮跟班雀躍離去，太妹洋洋得意於自身風範，誰叫條仔大佬是和興和紅棍威哥，威風煞勢從觀塘一路刮遍東南全校，憑姿色沾光，前吆後喝無敢不從，16、7歲就做人上人，將來說不定勁過洪興砵蘭街十三妹，黑白兩道揚名立萬。

    她舉止浮誇地抬腕瞟了眼OMEGA，撇嘴埋怨：「挑！都已經四點啦Albert嗰條仆街仲未蒲頭。」

    「Bobo姐今晚想去邊wet？帶埋我一齊啦！」

    「wet你老味啊，你屎枚爛猜唔飲得，上次喺老蘭劏白鶴仲爭D畀人執死屍...」

    話未盡便留意到前方廿來米處，男友泊停的嶄新電單上坐着陌生人影，遠遠觀察體型，女人。

    她疑竇叢生，死仔遲到半粒多鐘沒出現，難不成結交了新歡公然攤牌...

    年輕，受窮受教，受不了條仔變心，受不了一腔頂點的驕妄瞬間跌落崖底，當下柳葉眉恣兇橫連，敏感無名妒火奔騰，邁開二叔公剃頭的步履前往問罪。

    數秒衝刺路程的距離內已將女人外形怒瞪了個八九不離十，黑褲黑衫短打皮褸，撐持雙肘傾身伏背，昂首定望，非驚非怪不動如山，行頭偏與那CBR1100xx的玄黑金屬罩殼格外般配，更令她慍惱得七竅生煙。

    「喂！你點解坐我條仔架車，係咪Albert叫你過嚟?？」

    短兵相接一刻，見兩側烏髮整齊卡耳，裏層黑網衫隱透胸衣，蹬MarkII軍靴岔開長腿踩地，內眥角深勾的對食眼逆射霜魄，冰塑寒雕像機車自行衍生之物，凜厲壓迫感危危駭動。

    年長過她又缺嬌乏媚，橫豎看都不是能和Albert擦槍走火的類型。

    「你...你係聾定啞?？做乜唔答我？」

    女人無動於衷，沒頭沒腦的質問得不到任何回應，她自理解成情敵挑釁，幾近抓狂跺腳。

    怒髮衝冠檔口，男友伙同黨羽吵吵嚷嚷招搖出現。

    「Bobo~」Albert長相官仔骨骨却甚是輕浮紈絝，制服領帶松垮耷拉，手中甩拋一小袋不明藥丸，立刻要行親熱摟抱。

    哪想條女絲毫不領情，煽走手臂還送一記推搡：「頂你條仆街！避我？頭先死咗去邊？」

    「你扯乜春火？我啱先爆緊石，點蒲頭啊？」

    「我爆你老母臭閪！老娘幫你做生做死，你趙完鬆啊？」

    小弟面前被莫名其妙發通爛渣，本心情極佳的他沒好脾氣地板了臉，你一句我一句媽聲四起，周遭雲裡霧裡不知如何相勸。

    全然沒察覺機車上的阿羽，眼底霜蝕凍消後燒穿地心的無量業火。

    馬騮唱戲完畢，Albert把女友撥拉一邊，支手趴腳走去，百分百照搬威哥平日架勢畫虎類犬。

    「喂！jiejie仔，要做生意唔該行遠D。」

    「你叫Albert？」女人說話了，語鋒惜吝平仄起伏，聽不出疑問或反問。

上一页 目录 下一页