5.金牌打仔 (第5/5页)

唔好咁講，為社團做嘢係應該嘅。係我人手同場地有限，如果阿大對我有信心，我希望...」

    話音未落，駱駝擡手打斷：「都係自己人使乜有咁多顧慮，想要乜直接開聲，我話事啫。」

    其余幾人看穿了他的企圖，低頭避開目光。

    雷耀揚看向烏鴉，眼裏閃過一絲淡淡的狡黠，泰然地開口要了烏鴉在尖沙咀和荃灣的三個娛樂場，數量不多，但都是吸金多客的所在地。

    這個雷耀揚從剛才裝到現在，原來就是為了打自己場子的主意，烏鴉自然不答應那麽肥厚的着數拱手相讓，一口回絕。

    「雷耀揚你隻手真係伸得長下，風頭出到嚟我度。」

    奔雷虎也不急，又對駱駝說：「好啦，既然烏鴉唔肯，我諗都唔好勉強啦，咁其他人…」

    烏鴉極度不爽：「你D骨場、芬蘭浴、車行仲有三仔四仔D生意未夠你忙？」

    駱駝深思熟慮後下了決定：「天雄，今次俾面阿大。」

    「唔係嘛阿大，佢擺到明係食住我。」

    東星舉足輕重的揸數人數落起他：「烏鴉，你同洪興甘子泰、靚仔南D牙齒印都未拆掂，平時無端端就要D兄弟受罪，人哋三日唔埋兩日就嚟攪事，不如將嗰幾個場交俾耀揚睇啦，搭通晒天際線咁就天下太平。」

    「嚯，古惑倫你好嘢，條友俾咗幾多著數你，你都幫佢講嘢？」

    一直沒有開口的五虎之首擒龍虎司徒浩南發聲：「石硤尾嗰單嘢死咗幾件？你死都要同靚仔南開片，結果呢，我再俾幾多靚你都頂唔順你咁樣打，阿大過大壽嗰日你又屎忽痕，夾硬走去惹蔣天生條女，江湖講人情嘅，唔係打打殺殺...鬼串無倫，俾人打死多過病死啊。」

    烏鴉鬼眉皺起，暴戾之色溢於言表：「好啊，而家句句頂心杉，個個都窒住我啦吓話？」

    駱駝起身，一手摟住他肩膀：「耀揚呢幾年為社團做咗唔少嘢，既然可以為東星出力嘅，對大家都有著數，唔使咁計較嗰D得失。」

    烏鴉忍住沒發作，吸了一口長氣：「得，我就俾面阿大，雷耀揚，你識得大孖沙你咪大晒囉，鍾意就攞去，你同我記住，呢啲係我烏鴉送俾你嘅。」

    他吊兒郎當站起來：「呢度烏蠅咁多，阿大我去出面吹下風。」

    雷耀揚得逞了，烏鴉這小子在他眼裏就是欠治，勾心鬥角那麽久這次總算扳回一局。

    駱駝在柯士甸訂了隆景茶樓吃飯，他特地讓烏鴉坐上自己的車前往。

    見他不開心，駱駝問：「你嬲阿大吖嘛？」

    烏鴉閉着眼睛，懶洋洋地說：「我點敢咧~」，然後手臂被駱駝拍打了一下。

    「你都咁大個人嘞，人哋話你幾句就黑口黑面，成個細路咁…」

    他知道烏鴉在壓力下被迫交出陀地心中郁悶，安慰道：「耀揚話晒都係文龍踢入字頭嘅，有D嘢就住咪算數囉。嗰三個場就暫時交俾佢先，阿大一手帶大你，幾時有虧待過你？」

    「家陣人哋都睇佢台戲，你話我可以點？」

    「你咪婆婆媽媽，佢啱啱紮棍底嗰陣，你同佢撘晒膊頭，稱兄道弟?，做乜而家攪成咁？」

    烏鴉其實明白駱駝一向偏愛自己，可這回雷耀揚占了那麽大的便宜，實在讓他大為惱火。

    「我聽講你黑市拳條水呢期撈得好掂，係咪真嘅先？」

    「我都係隨便玩下?啫，你知我最鍾意打拳撈金。」

    「仲係嗰個阿何勇啊？」

    「有乜可能，嗰條廢柴...不過就嚟咗個新人，有D料到。」

    「哦？得閑我都去睇兩眼...喂，你都卅零歲啦，幾時先肯搞掂你嘅終身大事？」

    「阿大你理得咁多，溝女係乜難事…」

    「嘁，你咁鍾意玩嘢邊個敢跟你啊，我仲等緊你整件肥肥白白嘅侄仔出嚟...」

    說到這裏，烏鴉不由自主地想到那個剽悍剛硬，身段長相俱佳，還會赧顏害臊的阿羽，在她的身上，他看到了過去自己的影子，一拳一腳鋒芒乍現，冷傲得如頭離群孤狼。

    烏鴉在車上難以自抑地匿笑起來。