3.不速之客 (第4/4页)

r>
    「有嘢就郁我，郁我老竇算乜男人嚟?！」

    「唔蒲頭，以為我搵唔到你咩？」

    「你烏鴉只手遮天，咁多人同你做牛做馬嘞，做乜要死啄住我？」

    「你咁好身手，放你走咪好嘥。」

    阿羽明白了，烏鴉就是特地等自己送上門，逼迫她就範：「我如果唔應承呢？」

    「唔應承啊？嗯…我班靚就好有愛心，佢哋話要每日去你鋪頭幫襯你，幫襯到你肯應承為止囉。」

    「你喺嗰日就應該連埋我一齊隊冧…」她攥緊拳頭，咬住嘴唇。

    烏鴉被她的小動作吸引到了，他忽然心生異樣的情緒，今天可算在燈光下近距離看了個仔細，這小小的瘦骨仙原來長那麽靚，丹鳳大明眸清澈澄瑩，咬起嘴唇的樣子倔犟又可愛。

    他饒有興致地舔了舔下嘴唇：「點啊？你想發我圍啊？你嘅大佬都差唔多廢啦，家陣黑虎有損失唔搵你搵邊個？」頓了一下，他走到阿羽身旁，貼着她耳旁輕語：「嗱，我可以俾多次機會你，直到我無晒耐性，你最好諗清楚啦。」

    說完他回到細佬當中，上揚嘴角，等待阿羽的答案。

    沒等回復，烏鴉的近身四眼仔上前推了她一下：「八婆，你敬酒唔飲，飲罰酒？！」

    阿羽出拳就是猛擊，把他眼鏡打得碎裂，擡起腿一腳將他踹翻在地，然後拽住他那半長的頭髮往地上砸了兩下，疼得四眼仔七葷八素眼冒金星。

    「今日喺鋪頭郁手打人嗰個仆街係你咩？！」她怒不可遏道。

    烏鴉攔住其他要幫忙的細佬，不緊不慢地說：「冇錯，係佢郁手嘅，你而家都揼咗佢出咗啖氣，我哋就當無數囉？」

    阿羽站起來，看向烏鴉：「你到底想點？」

    烏鴉看得出，她的這番舉動分明就是妥協前的狂怒。

    「只要你肯聽話幫我打拳賽，我保證唔會再去攪你老竇同魚蛋鋪嘅。」

    「好！我應承你。」阿羽幾乎不經思索地脫口而出。

    「哈哈，幾好，我最鐘意啲知埞嘅人。」烏鴉得逞了，以往任何一個拳手所帶來的利益竟然都不如掌控住這女孩來得快樂。

    「如果你反口再去攪我屋企人，我一定會令你後悔?。」阿羽不甘心地放出狠話。

    烏鴉不以為然：「放心，出得嚟行，我牙齒當金使。」

    阿羽冷哼一聲，一刻都不願留在拳館，被烏鴉叫住：「咪住，話仲未講完你就行啦？」

    「你又攪乜花臣？」

    烏鴉拍了拍細佬，指向左邊沙袋那處，阿羽才看清楚，幾個懸吊的沙袋中掛着一個巨大的物體，用塑料布裹纏。

    細佬費力地層層扯開，當塑料布散落在地，赫然露出一具浮腫發青的軀體，陣陣腐味沖激過來，眾人立即捂口掩鼻，阿羽一眼就認出這是鬼頭的屍首，已經死得很透，早沒了生命體征，屍體的喉嚨處多了一道狹長的口子。

    當下大熱天寒意卻湧來，她控製不住微微發抖：「烏鴉…你乜意思…？」

    「嗰日佢都俾你打到得返一啖氣，反正都冇用啦，吊住佢條命不如爽啲手送佢走。你唔係話佢係你仇人咩，而家就當送俾你做見面禮囉。點嘛？我係咪好有誠意先？」

    聽着烏鴉無所謂的口氣，阿羽顫栗不已：「你好變態…」

    「記得我哋傾掂咗嘅嘢，我俾三日時間你。」

    阿羽失魂落魄地回到醫院，告訴沛姨自己已經把事情解決好了，勸她先回去休息。

    向坤吃過晚飯剛入睡，她坐在病床邊上，滿臉垂頭喪氣。

    怎麽頭腦發熱就答應了烏鴉呢，她為一時沖動懊悔不已，但想到了向坤，阿羽無可奈何。

    香港那麽小，遷居逃避是不可能的，報案尋求警察的庇護也不可行，她反復思考都想不出萬全之策。

    鬼頭的死狀一晚上揮之不去，烏鴉狂到超乎她想象，攪正對他來說就像是家常便飯。

    誰知道後面還有什麽兇險在等着自己。

    阿羽輕輕嘆了口氣。